- 1 маусым Халықаралық балаларды қорғау күні
- «Бізге 5 жыл» атты мерекелік іс-шарасы өтті
- ҰБТ-да 137 ұпайды қанжығасына байлаған
- Соңғы қоңырау
- Шымкентте оқушылар арасындағы тәртіп бұзушылық 75%-ға азайды
Жазғы лагерь
2017-2018 оқу жылында Шымкент қалалық білім бөліміне қарасты –129 жалпы білім беретін мектептерінде – 177 256 оқушы білім алуда.
Жазғы маусымда демалыс пен қамтылуы тиіс 1-10 сынып оқушыларының саны – 156 379 оқушы. Бұл көрсеткіш өткен оқу жылымен салыстырғанда 9 785 оқушыға артып отыр.
Оның ішінде - көп балалы отбасы балалары - 15 082, аз қамтылған отбасы балалары – 9 266, жартылай жетім балалары - 4 899, жетім ата-анасының қамқорлығынсыз қалған балалар - 789.
Жалпы саны – 30 036 бала әлеуметтік тұрмысы төмен отбасы балалары. Бұл барлық бала санының 17% –ын құрайды
Аз қамтылған отбасылардың балаларын қала сыртындағы лагерлерде демалдыру мақсатында білім бөлімі тарапынан Қазақстан Республикасының «Мемлекеттік сатып алу» туралы Заңының талаптарына сәйкес ашық конкурс өткізілді. Нәтижесінде: Оқушылар сарайына қарасты «Ақсу» лагерінде 1200 оқушы, «Арман» лагерінде 4041 оқушы («Арман-1» лагерінде 2021 оқушы, «Арман 2» лагерінде 2020 оқушы), «Үшбұлақ» лагерінде 1000 оқушы, «Машат» лагерінде 1000 оқушы демалатын болады. Жалпы 7 241 оқушы демалады. Бұл әлеуметтік тұрмысы төмен отбасы балаларының 24 %-ын құрап отыр.
Қала сыртындағы лагерлермен қатар, мектеп жанындағы мектеп алды алаңдары жұмыс жасайтын болады.
113 мектеп жанынан - 11 660 бала ыстық тамақпен, 11 972 бала ыстық тамақсыз демалыспен қамтылады. Жалпы 23 632 бала мектеп жанынан ашылатын алаңдарда демалады. (15 мектепте: 10 мектепте құрылыс жұмыстарының жүргізілуіне және 5 мектепте СЭС талаптарының орындалмауына байланысты мектеп алды сауықтыру алаңдары ашылмайды). Мектеп жанынан ашылған алаңдарда оқушылар түрлі үйірмелер мен спорттық секцияларға қамтылатын болады.
Биылғы жылы аз қамтылған отбасы балаларының қала сыртындағы лагерлерде демалу үшін ата-анадан өтініш қабылдау ережесіне өзгерістер енгізіліп отыр.
Қазақстан Республикасы Білім және ғылым министрлігінің 2015 жылғы 15 сәуірдегі №198 бұйрығының 14-қосымшасына 2017 жылғы 25 желтоқсандағы №650 бұйрыққа сәйкес өзгерістер енгізіліп, стандартқа сай аз қамтылған отбасыларына қала сыртындағы лагерлерге жолдама беру халыққа қызмет көрсету орталықтары арқылы жүзеге асуда. Бұл дегеніміз ата-аналардың өтініштері халыққа қызмет көрсету орталықтары арқылы қабылдануда. Бүгінгі таңда 5 265 ата-анадан өтініштер қабылданып, қала сыртындағы лагерлерге жолдамалар берілді.
Кәмелетке толмағандар арасында құқық бұзушлықтың алдын алу, бос уақытын тиімді ұйымдастыру мақсатында 12 аула клубында ақысыз үйірмелер ашылып, көпшілік мәдени іс-шаралар өткізіледі. Сонымен қатар, аталмыш аула клубтарындағы балаларды ата-аналардың демеушілігімен «Рухани жаңғыру» бағдарламасы аясында облысымыздағы тарихи-мәдени орындарға экскурсия, саяхатқа апару жұмыстары жүргізіледі. Балалардың бос уақытын тиімді өткізу тұрақты бақылауға алынады.
Барлық жазғы сауықтыру орталықтары қоғамдық денсаулық сақтау басқармасынан жұмыс жүргізу үшін рұқсат қағаздарын алып, залалсыздандыру (дезинфекциялау) жұмыстары жүргізілді.
Барлық лагерлерде ағымдағы жөндеу жұмыстары жүргізіліп, осы жылдың 5 маусымынан бастап балаларды қабылдады.
«2018 жылғы жазғы маусымда балалар мен жасөспірімдердің демалысын, сауықтыруды және жұмыспен қамтуды ұйымдастыру» тақырыбында қалалық семинар өткізілді. Семинарға төтенше жағдайлар басқармасының өртке қарсы қызметінің, қоғамдық денсаулық сақтау басқармасының, жедел құтқару жасағының қызметкерлері қатысып, мектеп жанынан ашылатын алаң басшыларына, директордың тәрбие ісі жөніндегі орынбасарларына және әлеуметтік педагогтарға әдістемелік көмек көрсетіліп, түсіндіру жұмыстары жүргізілді.
- Балалардың бос уақытын тиімді пайдалану мақсатында қалалық балалар кітапханасымен, балалар қуыршақ театрымен, облыстық циркпен келісім-шарттар түзілді.
- С.Ерубаев атындағы №24 мектеп-лицейдің жанынан «Бәйтерек» оқу орталығымен бірлесіп «жазғы ағылшын тілін оқыту» лагері ашылып, 100-ге жуық оқушы қамтылуда.
Ұқсас жаңалықтар
Пікірлер
Жаңалықтар фотосы
Соңғы жариялым
-
Шымкентте оқушылар арасындағы тәртіп бұзушылық 75%-ға азайды
Шымкенттегі 128 мектептің барлығында "Күнделік" электронды журналы мен күнделік жүйесі енгізілген. Соның нәтижесінде
Толығымен 191
Жаңа статья
Білім мекемелерінің бірінші басшысынаШымкентте оқушылар арасындағы тәртіп бұзушылық 75%-ға азайды
ҰБТ-да 137 ұпайды қанжығасына байлаған